Nietig, maar spesiaal

Wat is die mens dan dat U aan hom dink, die mensekind dat U na hom omsien? U het hom net ʼn bietjie minder as ʼn hemelse wese gemaak en hom met aansien en eer gekroon (Psalm 8:5-6).

Ons ken die ervaring waarvan Psalm 8 vertel.

Dit is om in die nag op te kyk na die sterre wat soos juwele oor ons skitter en te besef hoe groot en oneindig ons heelal is. En hoe klein en nietig die mens daarteenoor vertoon.

Hoewel dit altyd boeiend is om hieroor te peins en te gesels, kan hierdie kosmiese besef, soos die teoloog Antonie van Ruler dit noem, ʼn mens soms totaal oorweldig. Selfs moedeloos stem en laat wonder oor die sin van ons klein en nietige bestaan op aarde. Lees Verder>>

Die geheim van lewe

U het baie dinge geskep, Here, die aarde is vol van wat U gemaak het, en tog, U het alles in wysheid geskep (Psalm 104:24).

Psalm 104 is beslis een van die mooiste psalms in die Bybel.

Wie dié psalm aandagtig lees, kan dit nouliks miskyk: hoe geweldig ryk aan treffende beelde en metafore die teks is. Asof die een wat dit geskryf het diep geroer en selfs oorweldig was.

En inderdaad was dit ook so. Want aanvullend tot ons moderne verstaan van die wêreld, open die psalmdigter vir ons ʼn verdere perspektief: Al weet ons ons heelal dy steeds uit en lewe ontwikkel evolusionêr, is daar ook ander magte en kragte aan die werk. Lees Verder>>

Ons is meer as die beste én die slegste in ons

Die Here is naby die gebrokenes, Hy help die moedeloses (Psalm 34:19).

Nie lank gelede nie hou ʼn kollega van my ʼn gedenkdiens vir iemand wat lank depressief was en toe sy eie lewe geneem het.

So ʼn diens is altyd moeilik. Want wat sê jy by so ʼn geleentheid oor die oorledene, en veral vir dié wat agterbly?

Tydens sy voorbereiding kom my kollega af op ʼn wonderlike meditasie, een met hierdie troosvolle boodskap: In God se oë is ons altyd meer as die beste, maar ook meer as die slegste in ons. Lees Verder>>

Beskamende woorde

Met sang en dans sal almal Sion prys (Psalm 87:7).

Onlangs was ek bevoorreg om die bekende musiekblyspel Funny girl in die Fugard-teater in Kaapstad te gaan kyk.

Die hoofrol van Funny girl is vroeër jare deur die bekende aktrise en sangeres Babra Streisand vertolk. Dié stuk het gesorg vir ʼn deurbraak in haar latere roemryke loopbaan.

Funny girl vertel die storie van ʼn sogenaamde lelike eendjie wat met haar sang en eksentrieke maniere gehore betower het. Haar gewildheid en roem het egter ook ʼn prys gekos. Dit het onder meer groot druk op haar huwelik geplaas. Iets wat sy gelukkig met haar sprankelende geaardheid oorkom het. Lees Verder>>

Die ware definisie van gemeenskap

Wanneer Timoteus kom, moet julle hom by julle laat tuis voel, want net soos ek, doen hy ook die werk van die Here (1 Korintiërs 16:10).

Ek het ʼn dagboek met allerlei interessante aanhalings onderaan elke bladsy.

Sommige aanhalings bevat nogal waarhede wat my lank bybly. Soos dié een wat ek onlangs raakgelees het: “Home is not necessarily where you live, but where people understand you.”

Natuurlik is daar huise of sigbare ruimtes waarbinne ʼn mens onmiddellik tuis, gemaklik en knus voel. Maar ons almal ken ook die gevoel van eensaamheid en verlatenheid wanneer jy ná ʼn lang dag alleen by die huis kom en ontdek: Daar is niemand om jou te verwelkom nie. Lees Verder>>

Ten grondslag van egte humor

Hy wat in die hemel woon, lag hulle uit, die Here spot met hulle (Psalm 2:4).

Die groot rede waarom ons gerus ʼn gesonde sin vir humor kan hê, is nie dat ons eie werke en ideale so voorlopig en nietig is nie.

Die grootste rede is dat die God van Christus so groot en betroubaar is – gróót in sy troue liefde, gróót in sy voortdurende omsien na ons wêreld. Én na ons klein en nietige bestaan hier op aarde.

Dit was hierdie wete wat Jesus gedring het om ons te troos dat geen haar van ons kop sal val sonder God se medewete nie (Luk 21:18). En wat vir Paulus laat uitroep het dat wat ook al elke dag op ons afpeil, dood of lewe, engele of bose magte, God se beskermende liefde te alle tye daarteen opgewasse sal wees (Rom 8:38-39). Lees Verder>>

ʼn Pittige verhaal

Stralende oë bring blydskap, goeie tyding verkwik ʼn mens (Spreuke 15:30).

Hoe humor die ouderdom se pyne en vermoeienis kan help besweer, word pragtig deur die volgende pittige verhaal geïllustreer.

ʼn Vriend van my wat ondanks ʼn relatief hoë ouderdom – hy trek al by die sewentig – steeds ongewoon bedrywig en aktief is, word op ʼn dag heel ernstig deur iemand gevra: “Wanneer beplan jy dan om eendag af te tree?”

Met ʼn vonkel in sy oog kom my vriend se antwoord: “Weet jy, ek beplan my eerste aftrede op ongeveer tagtig.” Lees Verder>>

Humor hou ons gesond

Elke ding het sy vaste tyd, elke ding in hierdie wêreld het sy tyd: daar is ʼn tyd om gebore te word en ʼn tyd om te sterwe … ʼn tyd om te huil, ʼn tyd om te lag, ʼn tyd om te treur, ʼn tyd om van blydskap rond te dans (Prediker 3:1-2, 4).

Vir ʼn land wat deur ʼn “helse lot pyn” gekenmerk word, soos Johannes Kerkorrel destyds gesing het, bly ʼn gesonde sin vir humor onontbeerlik.

In sy jongste boek Dansend met die lewe wy Kobus Anthonissen, onder die titel “Uit jou maag”, ʼn hele afdeling aan hierdie belangrike eienskap van ons menslike bestaan. Hy haal verskeie mense aan wat die waarde van humor besef het. Lees Verder>>

Dit is nie in ons hande nie (2)

“Ek groet jou, begenadigde! Die Here is by jou” (Lukas 1:28).

Maria is doenig soos elke middag, dag ná dag, want daar is altyd takies om te verrig. Skielik staan ʼn engel daar en noem haar “begenadig”. Daarna is niks ooit weer dieselfde nie.

Maria se roeping was baie groter as wat sy ooit kon droom.

Ons dink ons skep die atmosfeer, want ons smag na ʼn Godsontmoeting. Ons het die musiek, die ruimte, die skare, die stilte. Keer op keer. Maar dan verras God ons op ʼn ander plek, deur iemand anders, in ʼn ander boek, en niks is ooit weer dieselfde nie. Lees Verder>>

Dit is nie in ons hande nie (1)

Jakob het wakker geskrik en gesê: “Die Here is op hierdie plek, en ek het dit nie besef nie … Hoe skrikwekkend is hierdie plek! Dit is niks anders nie as die huis van God; dit is die poort van die hemel” (Genesis 28:16-17).

Die Here verras ons te midde van die alledaagse – daar waar ons dit die minste verwag. Abraham sit elke middag op die warmste tyd van die dag in die opening van sy tent. Middag na middag. Dan daag drie mans op en vertel hom terloops dat hy pa gaan word. Sara hou haar maag vas soos sy lag, want wie sê nou sulke dinge op ʼn gewone middag? Lees Verder>>

1 2 3 4 5 10