“God voorsien!”

Lees Psalm 112:7-8.

Vir slegte tyding is hy nie bevrees nie, hy is gerus, hy vertrou op die Here (v 7).

Here, ek staan verstom oor diegene wat klaarblyklik
kommerloos deur die lewe gaan. Nie onverskillig nie,
nooit ongevoelig nie, bloot … onbekommerd.
“Ek vertrou maar op die Here,” sê hulle graag.
En klaarblyklik bedoel hulle dit van harte.
Jy sal hulle nooit op toekomsvrees betrap nie.
“Môre sal vir homself sorg” is hul leuse.
“God voorsien!” ’n refrein.

Ek is nie só nie.
Vir die geringste skeet of vrees vlug ek halsoorkop na U toe.
“Here, help!” is my slagkreet. “Gryp in!” my paniekerige pleitroep.
Dan … help U. Dan gryp U in.
Dikwels geskied dit nie betyds voor my volgende angsroep nie.
Ja, my vrese volg kort op mekaar; ek vermoed U bly skaars by met my …

Hoe beny ek nie die “God voorsien”-brigade nie!
Dié wat veldlelies en hemelvoëls net een kyk gee
en dan breed glimlag en sê: “Sien jy?”

Dan skaam ek my. Vir my ipekonders,
my bygeloof. Die twyfel, die kleingeloof,
die ongeloof.
Ek skaam my voor hulle
en voor U.
Asof U, die God van gister,
nie ook môre in u hand hou nie …

O Here, U wat al soveel kere
my fladderende hart tot bedaring gebring het,
dit oopgedwing het sodat die grou gedagtes
deur die genade kon ontsnap en hulle te pletter kon loop
teen die stille krag van u waaksaamheid,
vat my vas!

Vat tog net sag aan my, Here.
Laat u sterk hand my hart gerus ’n tuit laat staan,
al meer en meer op U gerig.
Amen.

Barend Vos


Word ’n Bybel-Boodskapper

Ondersteun Boodskap-Vir-Vandag

Help ons om gelowiges wêreldwyd digitaal met die boodskap van Jesus te bemoedig. Deur jou vrygewigheid sal jy hierdie daaglikse aanlyn inspirasie in mense se lewe moontlik maak.

KLIK HIER vir meer inligting oor hoe net R2 per dag 'n reuse-impak kan maak.

Hier is ’n getuienis oor wat Boodskap-Vir-Vandag vir mense beteken.

Ken wil dieper oor sy geloof nadink, en hy het vir ons hierdie e-pos gestuur: