Hier is my stem …

Lees Psalm 115:9-18.

Maar óns, ons prys die Here, nou en vir altyd! Prys die Here! (v 18).

Demokrasie is ’n lomp, lawwe woord, Here,
en ’n gevaarlike begrip in kerk en samelewing.
Wêreldwyd word dit afgemaak: Om ’n kruisie
te kan trek of te mag hand opsteek, vereis nie
juis besonderse kennis of gesonde oordeel nie.

En in die kerk word tereg daaroor gefrons
en gans te effentjies daarteen wal gegooi.
Die stemme van feilbare, sondige mense
– hoe groot die persentasie of omvang ook al –
kán tog nie God se stem verteenwoordig nie.

Dit is goed om te weet dat U geen demokraat is nie.
U krag lê nie in mensehande nie.
U wag nie op goedkeuring nie.
U keuses hang nie van kruisies af nie.
Daarby is U nie vatbaar vir omkoop nie;
geen stemmingmakery sal U laat afsien
van u ewig vasgelegde trou nie.

En almal ken reeds u standpunt oor u koninkryk
en dié se kinders. Daarom staan ons reg vir U
om ons te seën. Ons hou ons asem op en rek ons nek
lank uit; sien só uit na U wat kom. En ons wag
ons beurt af wanneer U u hande oor almal uitsprei.

Omdat u regering nie in ons hande is nie
en u besluite nie deur ons ingestem word nie;
ja, omdat U nie op ons goedkeuring wag nie,
is ons meer gereed as ooit om u sorg te ontvang,
dit te geniet en vanweë die oorvloed daarvan
dit ook met oorgawe uit te deel.

So voeg ons dan ons stem op geen ander
plek nie as by die hallelujakoor wat wêreldwyd,
soms selfs in die kerk,
vir U opklink.
Amen.

Barend Vos


Word ’n Bybel-Boodskapper

Ondersteun Boodskap-Vir-Vandag

Help ons om gelowiges wêreldwyd digitaal met die boodskap van Jesus te bemoedig. Deur jou vrygewigheid sal jy hierdie daaglikse aanlyn inspirasie in mense se lewe moontlik maak.

KLIK HIER vir meer inligting oor hoe net R2 per dag 'n reuse-impak kan maak.

Hier is ’n getuienis oor wat Boodskap-Vir-Vandag vir mense beteken.

Ken wil dieper oor sy geloof nadink, en hy het vir ons hierdie e-pos gestuur: