Onberispelik, heelhartig

Lees Psalm 119:1-4.

Dit gaan goed met dié wat onberispelik lewe, dié wat wandel volgens die woord van die Here (v 1).

Ag, Here, hoe hoog word die dwarslat tog gestel!
“Onberispelik” …
Ek weet dat ek nooit daar kan bykom nie;
dit is veels te hoog vir my.
Ek haal nie die paal nie.
In alle opsigte skiet ek ver tekort.

En, Here, hoe raak dit dié wat u bepalings
nakom en U “met hul hele hart soek”?
Hoe, presies, kry hulle dit reg dat hul hart
deurentyd heel bly en boonop reëlmatig klop?

Ék stuit op die hoë hindernisse op hierdie pad;
steek noodgedwonge vas; wonder of daar ’n kans
vir omdraai is. Of ’n ander uitweg – gelyker, ’n breër pad.
Maar dán, weer, is ek erg onseker oor die bestemming …

Ag, Here! Het U dan regtig geen plek vir my nie?
Is daar nie iewers langs die pad ’n manier
waarop ek aanvaarbaar vir U kan word nie?
Sal dit dalk help as U my gereeld berispe?
As U my só uiteindelik “onberispelik” maak?
En hoe sal dit uitwerk as U my halwe hart neem
en dit stukkie vir stukkie heelmaak –
en dit dan net so vir U vat?

Ja, raas dan maar met my, Here!
Ruk my reg – al is dit ook effens hardhandig.
Kry my net op koers.
Sekuur op die pad wat U my wys.

En herstel asseblief my flenterhart.
Dit het maar sleg uitgerafel omdat ek dit
deur die jare heen aan soveel dinge opgehang het.

Ek kan dit nie self regkry nie, Here;


Word ’n Bybel-Boodskapper

Ondersteun Boodskap-Vir-Vandag

Help ons om gelowiges wêreldwyd digitaal met die boodskap van Jesus te bemoedig. Deur jou vrygewigheid sal jy hierdie daaglikse aanlyn inspirasie in mense se lewe moontlik maak.

KLIK HIER vir meer inligting oor hoe net R2 per dag 'n reuse-impak kan maak.

Hier is ’n getuienis oor wat Boodskap-Vir-Vandag vir mense beteken.

Ken wil dieper oor sy geloof nadink, en hy het vir ons hierdie e-pos gestuur: